Երկու տարվա դադարից հետո «X-Factor»-ը վերադառնում է. մանրամասնում է հայտնում պրոդյուսերը

Շուրջ երկու տարվա դադարից հետո «X-Factor» նախագիծը վերադառնում է, հոկտեմբերի 9-ին, 21:00-ին Շանթ Հ/Ը եթերում կմեկնարկի սիրված մրցույթի առաջին փուլի ցուցադրությունը: Այս մասին Life.panorama.am-ին պատմել է նախագծի պրոդյուսեր Աննա Թադեւոսյանը:
 

«Կարծում եմ՝ իսկական ժամանակն էր վարադարձի համար, քանի որ շուրջ երկու տարի հայկական հեռուստաընկերություններով կարծես թե երաժշտական մրցույթներ չեն եղել, իսկ դա խոսում է այն մասին, որ նոր ու տաղանդավոր սերունդ ունենք, որոնք իրենց ունակությունները պետք է ցույց տան: Որպես պրոդյուսեր՝ մեծ ուրախությամբ պետք է նշեմ, որ մեր առաջին լսման փուլը հաստատեց մեր սպասելիքները՝ բավականին տաղանդավոր մասնակիցներ կան եւ եթե հետ նայենք ու համեմատենք մեր նախագծերի ընդհանուր մասնակիցների հետ, ապա կփաստենք, որ ոչ միայն այս տարի մասնակիցների ամենաշատ հոսքն է գրանցվել, այլեւ այս տարի ժյուրիների կողմից ավելի շատ «այո>> է հնչել, քան «ոչ»»,- մեզ հետ զրույցում նշեց պրոդյուսերն ու անդրադարձավ ժյուրիի կազմին.

«Ժյուրիի կազմում այս տարի ընդգրկված են Գարիկ Պապոյանը, Շուշանիկ Արեւշատյանը, Էրիկն ու Անդրեն, ում առաջին լսման փուլին փոխարինել է Եգոր Գլումովը, քանի որ Անդրեն հիմա բնակվում է ԱՄՆ-ում: Սակայն պետք է շեշտեմ, որ շատ շուտով Անդրեն կվերադառնա ու կմիանա մեզ, այնպես որ ստացվել է, որ Ե. Գլումովը, ով Շանթ Հ/Ը լավագույն գործընկերներից է, ժամանակավորապես է ժյուրիի կազմում: Ասեմ նաեւ, որ մեզ մոտ որոշակի փոփոխություններ են տեղի ունեցել, որի մասին դեռ չեմ խոսի՝ թողնելով անակնկալ, սակայն կնշեմ, որ հեռուստադիտողը շատ ավելի շուտ կմասնակցի մեր մասնակիցների ընտրությանը»,- նշեց նա:

 

Խոսելով նախնական փուլում ժյուրիների ու պրոդյուսերի ֆավորիտներից, Աննան փոքրիկ գաղտնիք բացահայտեց.

«Իրականում պետք է գաղտնիք բացեմ՝ ամեն տարի, երբ որեւէ նախագիծ ենք սկսել, հենց առաջին իսկ փուլերից ժյուրիի կազմն ու ես մեր ֆավորիտներն ենք առանձնացրել, եւ ասեմ, որ ես գրեթե միշտ 80 տոկոսով ճիշտ եմ եղել,- ծիաղելով նշեց նա ու շարունակեց,- միշտ էլ ամենաուժեղ մասնակիցները աչքի են ընկնում հենց սկզբից եւ եթե ոչ հաղթողի, ապա գոնե եզրափակիչ հասնող մասնակիցների անունները պարզ է դառնում մեզ համար: Ինչեւէ, այս պարագայում լինում են նաեւ բացառություններ, քանի որ դա միայն մեր կարծիքն է, իսկ ընտրողը հեռուստադիտողն է»:

«X-Factor 4»-ը հագեցած է լինելու նոր տեխնիկայով, լուսային ու ձայնային, ինչպես նաեւ նկարահանման նորագույն տեխնոլոգիաներով:

 

Վերջում անդրադառնալով «X-Factor»-ում հաղթողի մրցանակին, պրոդյուսերը հավելեց.

«Մրցանակների մասին դեռ վաղ է խոսել: Եթե նախորդ տարիներին հաղթողի համար լավագույն մրցանակը անգլիական «X-Factor»-ին մասնակցելն ու այնտեղի որակին ծանոթանալն էր, ապա այս տարի դեռեւս ոչինչ հստակ չէ, քանի որ դա մեր ձեռքերում չէ: Ամեն դեպքում՝ մեր հեռուստաընկերությունը իր բոլոր երաժշտական նախագծերի մասնակիցերին մեծ հնարավորություններ է ընձեռում>>:

Նշենք, որ «X-Factor 4»-ը կտեւի մինեւ 2017թ-ի ապրիլ ամիսը:




ՀԱՂՈՐԴԱՎԱՐՆԵՐ
ԳՐԻԳՈՐ ԱՂԱԽԱՆՅԱՆ

Ծնվել  է 1968թ. , ք. Սոչիում  /ՌԴ/:
Սովորել է Չեխովի անվան  միջն. դպրոցում:
Ավարտել  է Սայաթ-Նովա  երաժշտական դպրոցի դաշնամուրի բաժինը:
1985թ. ընդունվել  է Պետական Բժշկական ինստիտուտի "Ստոմատոլոգիական" բաժինը:
1986-88թթ. ծառայել է բանակում:
1992թ. ավարտել է բժշկական ինստիտուտը:
1988թ.-ից խաղացել է մի շարք  ներկայացումներում "Մետրո" թատրոնի հիմնադիրներից  է:
1992թ.- ից Երգի պետական  թատրոնի  մեներգիչ:
1998թ.-ից  զբաղվում է սոլո գործունեությամբ, որպես երգիչ:
1990թ.-ից` հումորային նախագծերի հեղինակ, հումորիստ-դերասան, պրոֆեսիոնալ շոումեն:
2000թ.- Գործունեությունը  ծավալել է ԱՄՆ- ում, որպես դերասան, հումորիստ և երգիչ, վարել է հեռուստատեսային տարբեր  շոուներ:

ԺՅՈՒՐԻ
Գարիկ

Ծնվել է 1984թ. սեպտեմբերի 20-ին Գյումրիում:
2001թ. ավարտել է Երեւանի թիվ 196 միջնակարգ դպրոցը:
2010թ. ավարտել էԵրեւանի ռուս-հայկական սլավոնական պետական համալսարանի զբոսաշրջության
և գովազդի ֆակուլտետը:
2007-10թթ. եղել է «32 ատամ ակումբ» հումորային նախագծի անդամ` որպես սցենարիստ եւ դերասան:
2009-10թթ. «Արմենիա» հեռուստաընկերությունում եղել է «3 պատ» իմպրովիզացիոն շոու-ծրագրի
համահեղինակը եւ վարողը:
2009-10թթ «Դար 21» հեռուստաընկերությամբ հեղինակել եւ վարել է «Ալո Գարիկ» երաժշտական շոուն:
2009թ. թողարկել է իր առաջին «Inquam» ձայնասկավառակը:

2010թ. խաղացել է «Մեր բակը» հումորային հեռուստասերիալում:
2010թ.-ից աշխատում է «Վիտամին» պրոդյուսերական կենտրոնում` որպես «Վիտամին ակումբ» հումորային
շոուի վարող, դերասան եւ սցենարիստ: Եղել է նաեւ «Հարց չկա» շոու-ծրագրի հեղինակ, համասցենարիստ և
վարող, «Իքս ֆակտոր» երաժշտական նախագծում` որպես ժյուրիի անդամ, «Հայսուպերսթար» նախագծում`
որպես երաժշտական պրոդյուսեր եւ ժյուրիի անդամ:

2011թ. ստեղծել է «Ռոք-սերունդ» շարժում-գաղափարախոսությունը: Բազմաթիվ երգերի, երգերի
գործիքավորումների եւ խոսքերի, ինչպես նաեւ Արամ MP3-ի անգլալեզու բոլոր երգերի խոսքերի
հեղինակն է: Հանդիսանում է նաև «Վիտամին ակումբ» շոու-ծրագրի երգի հեղինակն է:
2012թ. եղել է «Շանթ» հեռուստաընկերության «Կանխիկ հումոր» հեռուստանախագծի ժյուրիի կազմում:
2012թ. Ռուսաստանում Միխայիլ Կռուգի հիշատակին նվիրված համերգը մեկնարկեց “Золотые купола”
երգի` Գարիկի սիմֆոնիկ-ռոք instrumental տարբերակով:
2013թ. դարձավ ռուսական “Что Творят Мужчины” գեղարվեստական ֆիլմի կոմպոզիտորը և թողարկեց
ֆիլմի սաունդթրեքի տեսահոլովակը: Այնուհետեւ նրա գրած երգը, որը կատարեց նախկինում իր իսկ
X Factor-ի մասնակից Սրբուկը, տեղ գտավ ռուսական “Легок на помине” ֆիլմում:
Եվրատեսիլ 2014-ին Գարիը հեղինակեց Հայաստանի կողմից ներկայացվող “Not Alone” երգի խոսքերը,
որը կատարեց Արամ MP3-ն: Իսկ Եվրատեսիլին զուգահեռ դուրս եկավ Գարիկի նոր տեսահոլովակը
“Inside My Head” երգի հիման վրա: Իսկ այս պահին հանդիսանում է համաշխարհային ձևավաչափ
“X Factor Armenia” նախագծի ժյուրիի անդամ և զուգահեռ աշխատում մի քանի ռուսական ֆիլմերի
սաունդրեքերի վրա, որոնցից մեկում արդեն նկարահանվում է հոլիվուդյան աստղ Պամելա Անդերսոնը:

Անդրե

Անդրեյ Հովնանյանը՝ երգիչ Անդրեն, ծնվել է Արցախի մայրաքաղաք Ստեփանակերտում:

Երաժշտության հանդեպ նրա մեծ հետաքրքրությունը ընտանիքը նկատել է վաղ տարիքում:

Երգել սկսել է 3 տարեկանից:
6 տարեկանից հաճախել Ստեփանակերտի Կոմիտասի անվան երաժշտական դպրոցում դաշնամուրի
դասընթացների: 3 տարի սովորելուց հետո Անդրեն գրել է իր առաջին երգը` “Աղոթք”-ը` նվիրված
Աստծուն: Արցախյան պատերազմի ընթացքում “Արցախի բալիկներ” մանկապատանեկան համույթի
կազմում ելույթ է ունեցել Պաշտպանության բանակի զորամասերում:
15 տարեկանում մասնակցել է “Ճանապարհ դեպի Վերածնունդ” երաժշտական մրցույթին, որտեղ
զբաղեցրել է առաջին պատվավոր հորիզոնականը:

Տարիներ անց Անդրեն սկսել է հանդես գալ որպես մենակատար “Ղարաբաղ” էստրադային-ջազային
խմբում, որի կազմով ելույթներ են ունեցել Հայաստանում եւ Արցախում: Երգելու հետ մեկտեղ Անդրեն
նաև աշխատել է Ստեփանակերտի դրամատիկական թատրոնում՝ որպես դերասան:
1998 թվականին նա դարձավ Հայաստանի Երգի պետական թատրոնի մենակատար, որի կազմում էր
մինչև 2002 թվականը:

Սովորել և ավարտել է Երեւանի Կոմիտասի անվ.Պետ.Կոնսերվատորիան, Մագիստրատուրան և
Ասպիրանտուրան-Ջազ վոկալ բաժնում:
Անդրեն իր գործնեության ընթացքում արժանացել է 40-ից ավելին մրցանակների, ինչպես միջազգային,
այնպես էլ հայկական մրցանակաբաշխություններում և մրցույթ-փառատոններում:
Թողարկել է 6 ձայնասկավառակ եւ նկարահանվել է 24-ից ավելի տեսահոլովակներում:
Հանդես է եկել 50-ից ավելի մենահամերգներով Հայասնանում և Արտերկրներում: Մեծ ներդրում և
մասնակցություն է ունեցել տարբեր բարեգործական ակցիաներում և միջոցառումնեռում:

2006 թ-ին Անդրեն դարձավ առաջին հայ երգիչը, որը «Without Your Love» երգով ներկայացրեց
Հայաստանը Աթենքում կայացած մրցույթում: Մասնակից 37 եվրոպական երկրների մեջ Անդրեն
զբաղեցրեց 8–րդ հորիզոնականը, ինչի շնորհիվ Հայաստանը մտավ լավագույն տասնյակ:

Ձայնասկավառակներ

2014-«Իմ հոգի»
2010- «ANDREnaline»
2008- «Երջանկության գաղտնիք»
2008- «Իմ սերը քեզ», (DVD)
2006- «Հազար անգամ», (1000X)
2006- «Without Your Love», («Առանց քո սիրո»), (սինգլ)
2005- «Միայն սեր»
2005- «Իմ սերը քեզ», (սինգլ)
2003- «Ես եմ»

 

https://www.facebook.com/AndreMusicOfficial
http://www.youtube.com/channel/UC_s3onMep3IpMmR0wFAgsSQ
https://twitter.com/Andrerecords
http://instagram.com/andrehovnanyan

Եգոր Գլումով

Սովորաբար մարդիկ ծնվում են ծննդատանը, երբեմն՝ տանը, հազվադեպ՝ տրանսպորտում...

Ես ծնվել եմ Ռադիո ՎԱՆում։

Ծննդյանս ամսաթիվը անորոշ է, ոչ ոք ճշգրիտ չի հիշում, 2001 թվի մարտի վերջ, ապրիլի սկիզբ։
Այսինքն՝ արդեն 13 տարեկան եմ, հանձնաժողովի ամենաերիտասարդ անդամը։ Կյանքիս առաջին
իսկ օրերից աշխատել եմ ծրագրավորման տնօրեն, հաղորդավար և ստեղծագործող։ Բնավ՝
մսուր-մանկապարտեզ, դպրոց կամ համալսարան։ Ստացվում է՝ ես դաստիարակություն ու կրթություն
չունեմ, բառերիս բուն իմաստով։ Այնուամենայնիվ, հեռուստացույց եմ ընկել 4 տարեկանից։
Անկեղծ խոստովանում եմ՝ ռադիոն միշտ առավել սրտովս է եղել, քան հեռուստատեսությունը,
ինչն ինձ թերեւս չի խանգարում լինել երկուսում էլ։

 

Մինչ ծնվելս հասցրել եմ ավարտել Երևանի Պոլիտեխնիկական ինստիտուտը, ծառայել մինչ կապիտանի
կոչում, պարապել ձյուդո հասնելով КМС, ամուսնանալ, տուն կառուցել ու բազմաթիվ ծառեր տնկել։
Երեք զավակի հայր եմ։ «Բարսելոնայի» կողմնակիցն եմ, լսում եմ ռոք, կարդում եմ շատ, հիմնականում՝
զուգարանում։ Նկարահանվել եմ կինոյում, գովազդում, նոմինացվել եմ «Սիմպսոններ»-ում։
Վերնարշավել եմ Արարատ եւ Նեմրութ։ Քրիստոնյա եմ եւ воинствующий гомофоб:
Ծանոթ եմ բազմապատկման աղյուսակին, ջանում եմ չխախտել երթևեկության կանոնները։
Քիչ էր մնում մոռանայի՝ մսակեր եմ և չեմ հասկանում բանջարակերներին։

Վերջ։