Էրիկը՝ «X-Factor 4»-ի ժյուրիի կազմում լինելու և ապագա ծրագրերի մասին

Երգիչ Էրիկը առաջիկա վեց ամիսը կզբաղեցնի «Շանթ» Հ/Ը «X-Factor» նախագծի ժյուրիի «պաշտոնը»: Ինչպես արդեն եթերներից հայտնի է` նա Գարիկ Պապոյանի, Շուշանիկ Արեւշատյանի եւ Եգոր Գլումովի հետ միասին կընտրի «X-Factor 4»-ի մասնակիցներին, ապա նաեւ նրանց կուղեկցի նախագծի բոլոր փուլերում:

Life.panorama.am-ի հետ զրույցում Էրիկը նախ նշեց, որ իրեն դուր չի գալիս «ժյուր» անվանումը, ինքն իրեն մասնակիցների համար ավելի շատ ընկեր է համարում.

««Ժյուրի» բառը մի փոքր խիստ է հնչում, դրա համար այդ բառով չեմ ուզում որակավորեմ իմ ներգրավածությունը «X-Factor 4»-ում: Ես ավելի շատ ժյուրի-ընկեր կարգավիճակում եմ այստեղ, ով ցանկացած արժանի մասնակցի հետ պատրաստ է իսկապես ընկերություն անել, ընկերական խորհուրդներ տալ ու նկատողություններ անել: Ես պատրաստ եմ ցանկացած լավ մասնակցի օգնել յուրաքանչյու հարցում»,- նշեց Էրիկը:

Մեր նկատառմանը, թե Էրիկը ժյուրիի մյուս անդամներից կարծես թե ամենամեղմն է, պատասխանեց.

«Չեմ կարող ասել, որ դա միանշանակ այդպես է, որովհետեւ մասնակցին միայն ժպիտ պարգեւելու համար ասել «այո», կնշանակի վատ կերպով ազդել մասնակցի հետագա գործունեության վրա: Ճիշտ է, երբ վատ երգող մարդուն հենց սկզբից ասում ես դրա մասին, կանխում նրա հետագա գործունեությունը եւ երգելու ցանկությունը: Ի վերջո` երգել ցանկանալ կարող են բոլորը, բայց շարունակել` ոչ բոլորը: Կոնկրետ ես այս նախագծում «այո» եմ ասում, երբ մասնակցի մեջ թեկուզ մի փոքր տվյալ կա. Այդպես ես հնարավորություն եմ տալիս նրանց հասնել իրենց երազանքներին»:

Էրիկի խոսքով` արդեն իսկ իր համար լավագույների ցանկ առանձնացրել է, սակայն ֆավորիտներ` ոչ, քանի որ ամեն բան դեռ առջեւում է.

«Գիտեք, ոչ միայն ժյուրին, այլեւ հեռուստադիտողն արդեն վաղուց միայն վոկալային տվյալներին ուշադրություն չի դարձնում: Բեմում կանգնած երգիչը բացի ձայնից պետք է նաեւ գրավիչ, բեմական ու հետաքրքիր լինի: Ինքս էլ ուշադրություն եմ դարձնում նման հատկանիշներով ներկայացուցիչների, ովքեր պատրաստ են արտիստ դառնալուն: Մենք արդեն իսկ ունենք բազմաթիվ տաղանդավոր մասնակիցներ, որոնք գիտեն, թե ինչպես իրենց պետք է պահեն բեմում»,- նշեց Էրիկն ու ընգծեց` երիտասարդ սերունդից գոհ է.

«Անկեղծ ասած` սկզբում չէի սպասում ու չէի պատկերացնում, որ այսքան տաղանդավոր մարդիկ դեռ կան: Վերջին տարիներին երաժշտական մրցույթ-նախագծերը շատ էին ու մտածում էի, որ էլ չկան կամ շատ քիչ են տաղանդավոր երիտասարդաները, բայց արի ու տես, որ սխալվում էի, ավելին` նրանք շատ են, մեկը մյուսից խելացի ու տաղանդավոր, ովքեր իրենց գործին տեր պետք է կանգնեն: Այս նախագիծը միայն օգնում է հայտնի դառնալ, իսկ հետո մասնակիցները միայնակ պետք է անցնեն այս դժվարին ուղին: Թեեւ բոլորն անընդհատ ասում են, որ երգիչները մեր օրերում շատացել են, բայց միեւնուն է, լավ երգիչների կարիք մենք ունենք»:

Էրիկը շեշտեց` մասնակիցներին արդեն որպես կոլեգա կփորձի օգնել նաեւ հետագայում, ավելին` նրա խոսքով` իր գործունեության ընթացքում շատ է օգնել այլ նախագծերում մասնակցող երիտասարդներին, որոնց հետ այսօր ընկերություն է անում ու արդեն միմյանց են աջակցում:

Իսկ վերջում հետաքրքրվելով, թե երգիչն այս ընթացքում ի՞նչ անակնկալներ է պատրաստում իր երկրպագուների համար, Էրիկը պատասխանեց.

«Այս պահին զբաղված եմ ձայնասկավառակիս աշխատանքներով, որի թողարկման համար դեռ ժամկետներ չեմ կարող ասել: Սա ինձ համար շատ կարեւոր նախագիծ է, որի վրա էլ կենտրոնացրել եմ ուժերիս մեծ մասը: Ինչ վերաբերվում է նոր տեսահոլովակին, իհարկե, դա էլ կլինի. Ես միշտ թողնում եմ, որ հանդիսատեսը կարոտի, չեմ սիրում, երբ անընդհատ երեւալով` հոգնեցնում ես մարդկանց»:

Հեղինակ` Անուշիկ Մելքոնյան
http://life.panorama.am/ 




ՀԱՂՈՐԴԱՎԱՐՆԵՐ
ԳՐԻԳՈՐ ԱՂԱԽԱՆՅԱՆ

Ծնվել  է 1968թ. , ք. Սոչիում  /ՌԴ/:
Սովորել է Չեխովի անվան  միջն. դպրոցում:
Ավարտել  է Սայաթ-Նովա  երաժշտական դպրոցի դաշնամուրի բաժինը:
1985թ. ընդունվել  է Պետական Բժշկական ինստիտուտի "Ստոմատոլոգիական" բաժինը:
1986-88թթ. ծառայել է բանակում:
1992թ. ավարտել է բժշկական ինստիտուտը:
1988թ.-ից խաղացել է մի շարք  ներկայացումներում "Մետրո" թատրոնի հիմնադիրներից  է:
1992թ.- ից Երգի պետական  թատրոնի  մեներգիչ:
1998թ.-ից  զբաղվում է սոլո գործունեությամբ, որպես երգիչ:
1990թ.-ից` հումորային նախագծերի հեղինակ, հումորիստ-դերասան, պրոֆեսիոնալ շոումեն:
2000թ.- Գործունեությունը  ծավալել է ԱՄՆ- ում, որպես դերասան, հումորիստ և երգիչ, վարել է հեռուստատեսային տարբեր  շոուներ:

ԺՅՈՒՐԻ
Գարիկ

Ծնվել է 1984թ. սեպտեմբերի 20-ին Գյումրիում:
2001թ. ավարտել է Երեւանի թիվ 196 միջնակարգ դպրոցը:
2010թ. ավարտել էԵրեւանի ռուս-հայկական սլավոնական պետական համալսարանի զբոսաշրջության
և գովազդի ֆակուլտետը:
2007-10թթ. եղել է «32 ատամ ակումբ» հումորային նախագծի անդամ` որպես սցենարիստ եւ դերասան:
2009-10թթ. «Արմենիա» հեռուստաընկերությունում եղել է «3 պատ» իմպրովիզացիոն շոու-ծրագրի
համահեղինակը եւ վարողը:
2009-10թթ «Դար 21» հեռուստաընկերությամբ հեղինակել եւ վարել է «Ալո Գարիկ» երաժշտական շոուն:
2009թ. թողարկել է իր առաջին «Inquam» ձայնասկավառակը:

2010թ. խաղացել է «Մեր բակը» հումորային հեռուստասերիալում:
2010թ.-ից աշխատում է «Վիտամին» պրոդյուսերական կենտրոնում` որպես «Վիտամին ակումբ» հումորային
շոուի վարող, դերասան եւ սցենարիստ: Եղել է նաեւ «Հարց չկա» շոու-ծրագրի հեղինակ, համասցենարիստ և
վարող, «Իքս ֆակտոր» երաժշտական նախագծում` որպես ժյուրիի անդամ, «Հայսուպերսթար» նախագծում`
որպես երաժշտական պրոդյուսեր եւ ժյուրիի անդամ:

2011թ. ստեղծել է «Ռոք-սերունդ» շարժում-գաղափարախոսությունը: Բազմաթիվ երգերի, երգերի
գործիքավորումների եւ խոսքերի, ինչպես նաեւ Արամ MP3-ի անգլալեզու բոլոր երգերի խոսքերի
հեղինակն է: Հանդիսանում է նաև «Վիտամին ակումբ» շոու-ծրագրի երգի հեղինակն է:
2012թ. եղել է «Շանթ» հեռուստաընկերության «Կանխիկ հումոր» հեռուստանախագծի ժյուրիի կազմում:
2012թ. Ռուսաստանում Միխայիլ Կռուգի հիշատակին նվիրված համերգը մեկնարկեց “Золотые купола”
երգի` Գարիկի սիմֆոնիկ-ռոք instrumental տարբերակով:
2013թ. դարձավ ռուսական “Что Творят Мужчины” գեղարվեստական ֆիլմի կոմպոզիտորը և թողարկեց
ֆիլմի սաունդթրեքի տեսահոլովակը: Այնուհետեւ նրա գրած երգը, որը կատարեց նախկինում իր իսկ
X Factor-ի մասնակից Սրբուկը, տեղ գտավ ռուսական “Легок на помине” ֆիլմում:
Եվրատեսիլ 2014-ին Գարիը հեղինակեց Հայաստանի կողմից ներկայացվող “Not Alone” երգի խոսքերը,
որը կատարեց Արամ MP3-ն: Իսկ Եվրատեսիլին զուգահեռ դուրս եկավ Գարիկի նոր տեսահոլովակը
“Inside My Head” երգի հիման վրա: Իսկ այս պահին հանդիսանում է համաշխարհային ձևավաչափ
“X Factor Armenia” նախագծի ժյուրիի անդամ և զուգահեռ աշխատում մի քանի ռուսական ֆիլմերի
սաունդրեքերի վրա, որոնցից մեկում արդեն նկարահանվում է հոլիվուդյան աստղ Պամելա Անդերսոնը:

Անդրե

Անդրեյ Հովնանյանը՝ երգիչ Անդրեն, ծնվել է Արցախի մայրաքաղաք Ստեփանակերտում:

Երաժշտության հանդեպ նրա մեծ հետաքրքրությունը ընտանիքը նկատել է վաղ տարիքում:

Երգել սկսել է 3 տարեկանից:
6 տարեկանից հաճախել Ստեփանակերտի Կոմիտասի անվան երաժշտական դպրոցում դաշնամուրի
դասընթացների: 3 տարի սովորելուց հետո Անդրեն գրել է իր առաջին երգը` “Աղոթք”-ը` նվիրված
Աստծուն: Արցախյան պատերազմի ընթացքում “Արցախի բալիկներ” մանկապատանեկան համույթի
կազմում ելույթ է ունեցել Պաշտպանության բանակի զորամասերում:
15 տարեկանում մասնակցել է “Ճանապարհ դեպի Վերածնունդ” երաժշտական մրցույթին, որտեղ
զբաղեցրել է առաջին պատվավոր հորիզոնականը:

Տարիներ անց Անդրեն սկսել է հանդես գալ որպես մենակատար “Ղարաբաղ” էստրադային-ջազային
խմբում, որի կազմով ելույթներ են ունեցել Հայաստանում եւ Արցախում: Երգելու հետ մեկտեղ Անդրեն
նաև աշխատել է Ստեփանակերտի դրամատիկական թատրոնում՝ որպես դերասան:
1998 թվականին նա դարձավ Հայաստանի Երգի պետական թատրոնի մենակատար, որի կազմում էր
մինչև 2002 թվականը:

Սովորել և ավարտել է Երեւանի Կոմիտասի անվ.Պետ.Կոնսերվատորիան, Մագիստրատուրան և
Ասպիրանտուրան-Ջազ վոկալ բաժնում:
Անդրեն իր գործնեության ընթացքում արժանացել է 40-ից ավելին մրցանակների, ինչպես միջազգային,
այնպես էլ հայկական մրցանակաբաշխություններում և մրցույթ-փառատոններում:
Թողարկել է 6 ձայնասկավառակ եւ նկարահանվել է 24-ից ավելի տեսահոլովակներում:
Հանդես է եկել 50-ից ավելի մենահամերգներով Հայասնանում և Արտերկրներում: Մեծ ներդրում և
մասնակցություն է ունեցել տարբեր բարեգործական ակցիաներում և միջոցառումնեռում:

2006 թ-ին Անդրեն դարձավ առաջին հայ երգիչը, որը «Without Your Love» երգով ներկայացրեց
Հայաստանը Աթենքում կայացած մրցույթում: Մասնակից 37 եվրոպական երկրների մեջ Անդրեն
զբաղեցրեց 8–րդ հորիզոնականը, ինչի շնորհիվ Հայաստանը մտավ լավագույն տասնյակ:

Ձայնասկավառակներ

2014-«Իմ հոգի»
2010- «ANDREnaline»
2008- «Երջանկության գաղտնիք»
2008- «Իմ սերը քեզ», (DVD)
2006- «Հազար անգամ», (1000X)
2006- «Without Your Love», («Առանց քո սիրո»), (սինգլ)
2005- «Միայն սեր»
2005- «Իմ սերը քեզ», (սինգլ)
2003- «Ես եմ»

 

https://www.facebook.com/AndreMusicOfficial
http://www.youtube.com/channel/UC_s3onMep3IpMmR0wFAgsSQ
https://twitter.com/Andrerecords
http://instagram.com/andrehovnanyan

Եգոր Գլումով

Սովորաբար մարդիկ ծնվում են ծննդատանը, երբեմն՝ տանը, հազվադեպ՝ տրանսպորտում...

Ես ծնվել եմ Ռադիո ՎԱՆում։

Ծննդյանս ամսաթիվը անորոշ է, ոչ ոք ճշգրիտ չի հիշում, 2001 թվի մարտի վերջ, ապրիլի սկիզբ։
Այսինքն՝ արդեն 13 տարեկան եմ, հանձնաժողովի ամենաերիտասարդ անդամը։ Կյանքիս առաջին
իսկ օրերից աշխատել եմ ծրագրավորման տնօրեն, հաղորդավար և ստեղծագործող։ Բնավ՝
մսուր-մանկապարտեզ, դպրոց կամ համալսարան։ Ստացվում է՝ ես դաստիարակություն ու կրթություն
չունեմ, բառերիս բուն իմաստով։ Այնուամենայնիվ, հեռուստացույց եմ ընկել 4 տարեկանից։
Անկեղծ խոստովանում եմ՝ ռադիոն միշտ առավել սրտովս է եղել, քան հեռուստատեսությունը,
ինչն ինձ թերեւս չի խանգարում լինել երկուսում էլ։

 

Մինչ ծնվելս հասցրել եմ ավարտել Երևանի Պոլիտեխնիկական ինստիտուտը, ծառայել մինչ կապիտանի
կոչում, պարապել ձյուդո հասնելով КМС, ամուսնանալ, տուն կառուցել ու բազմաթիվ ծառեր տնկել։
Երեք զավակի հայր եմ։ «Բարսելոնայի» կողմնակիցն եմ, լսում եմ ռոք, կարդում եմ շատ, հիմնականում՝
զուգարանում։ Նկարահանվել եմ կինոյում, գովազդում, նոմինացվել եմ «Սիմպսոններ»-ում։
Վերնարշավել եմ Արարատ եւ Նեմրութ։ Քրիստոնյա եմ եւ воинствующий гомофоб:
Ծանոթ եմ բազմապատկման աղյուսակին, ջանում եմ չխախտել երթևեկության կանոնները։
Քիչ էր մնում մոռանայի՝ մսակեր եմ և չեմ հասկանում բանջարակերներին։

Վերջ։